“
" 真係有機會供完拎返嘅錢少過本金？ "
MOST LIKED
Sui Pang Hui
在進行任何投保前，都應睇清楚保單條款及主要風險。部分儲蓄保險產品具有保證回報及非保證回報兩部分。講到明係＂非保證＂，最終收取的回報有機會高於或低於保單中預期的投資回報，所以買之前要諗清楚風險。除此之外，部分儲蓄保險計劃中的紅利都係非保證回報，消費者可以用計劃的長期表現及回報穩定性評估下，去判斷保險公司講的非保證回報假設係咪合理可信。
首先你要明白儲蓄保同銀行定期戶口係唔同概念，儲蓄保險原意係一個退休保障，所以其實係一種較中長期既儲蓄計劃。
一般儲蓄保險，供款期可能係五年或者10年，如果係供款期內，或者係頭果8年內，如果想退保，的確有機會拎唔番原來本金，但一般計劃，完成左供款期後，或者10年以上，都係可以拎番本金，再長時間D就會有每年4-6%回報。
但好多人唔明白，以為儲蓄保同銀行定期一樣，我過左個年期咪可以拎番囉，但結果同預期有落差，咪會覺得被人呃囉。
所以無論買咩保險或者金融產品，都要了解清楚，因為保單條款寫明，唔會有呃。
這是中長期的計劃，投保人要清楚了解回本期和預期回報，供完馬上取回或提早取回，得到的會少過本金。這些重點，負責銷售的agent要清楚說明，投保人也要接受再才可以投保。