其實，投保的吸唔吸煙，按投保書問題的字面理解，如過去12個月有否吸，有就有，冇就冇。 ✅電子煙、尼古丁補充劑產品等都算 ✅如有食，雖詳細回答吸食的頻率及每日數量。 ✅如戒煙一段時間後其實可申請-取消吸煙的承保費用，是否獲批，主要靠醫學檢查報告(如驗尼古丁水平）作核保審批決定。 🌟以上僅供參考，以投保書核保問題字眼為準，希望幫到您。

呢一部分存在灰色地帶🧐 Social煙好多人都唔當係吸煙習慣。如果冇報而日後需要理賠時check到有相關醫療紀錄係由吸煙引致，最壞情況係不能索償及被取消保單及退回保費。😶

建議也如實申報，等保險公司按你的情況作出評核！

吸煙者就係過去12個月，有吸食香煙(亦包括電子煙)，就算係吸煙者，建議如實申報，視乎保障類型，有機會會有額外保費，不過亦有D保障，吸煙同非吸煙都保費一樣。 如果唔申報，係索償時如果被保險公司查到，有機會當你係沒有以最高誠信申報，而取消你份保單，所以都係建議申報。 但如果你過去12個月已經冇再吸煙，你可以同保險公司申報番，做番個尼古丁測試，就可以做番正常保費。

跟據自願醫保要求, 吸煙者是指過去12個月內曾否吸煙。當中沒有明確指多少次, 只要曾吸煙都需要如實申報。如果客人沒有如實申報, 保險公司有權拒絕作出賠償。

就算食一次半次嘅social 煙都是吸煙者 ，因為通常保險申請表上是問：過去十二個月內是否有吸煙？受保人是需要如實作答的。但保單生效後，如果受保人已沒有吸煙超過12個月，就可以同保險公司提出申請轉為非吸煙者（通常是週年續保前三十天），到時要提交返相應嘅醫療報告，例如尼古丁測試。